Bp. Banja Ow’e Namirembe akoze Enkyukakyuka-Canon David Mpagi Abadde e Mukono Amuwadde Wofiisi Ennene
Bp. Moses Banja.
Oluvannyuma lw’okulondebwa ng’omulabirizi w’e Namirembe, wofiisi gy’abaddemu ekiseera, Omulabirizi w’e Namirembe, Kitaffe mu Katonda Moses Banja akozze enkyukakyuka mu baweereza ab’enjawulo.
Okusinziira ku Bp. Banja, ekyukakyuka zino zaakutandika mu mwezi ogw’omunana (August) omwaka guno. Mu bakyusiddwa Rev. Canon Michael Ssentamu alondeddwa nga principal w’ettendekero ly’e Namugongo.
Rev. Abel Sserwanja Meerewoma abadde omusumba w’obusumba bw’e Kireka akyusiddwa n’atumibwa e Kitegomba, Rev. Esau Bbosa Kimanje avudde e Namugongo n’atumibwa e Kireka ng’omusumba waayo, Rev. Grace Kavuma ajjiddwa e Namugongo n’atumibwa e Bbuye Kigoowa era n’amutuma ng’amyuka ow’eby’enjiri mu bulabirizi bwe Namirembe.
Rev. Andrew Kafeero atumiddwa okumyuka Vicar wa Namugongo era chaplain wa Namugongo Martyrs Seminary ne Rev. Henry Maguuzi n’atumibwa okuva e Kitegomba okudda e Nateete ng’omusumba omubeezi.
Omulabirizi Banja era alonze Canon David Mpagi okuva mu busaabadinkoni bw’e Lugazi mu bulabirizi bw’e Mukono ng’amufudde akulira ekitongole ky’eby’enjigiriza mu bulabirizi buno obw’e Namirembe.
Ono era alonze ne Epafula Kaggwa Lubega Omukristaayo mu busumba bw’e Kamuli ng’omuwanika w’obulabirizi omuggya.
Ekyukakyuka zino Omulabirizi azikoledde mu lukiiko lw’obulabirizi bw’e Namirembe olukozi lw’emirimu olumanyiddwa nga diocesan council olutudde olwaleero ku kitebe ky’obulabirizi e Namirembe.
Mu Synod y’obulabirizi bw’e Mukono eyatuula nga April 26, omulabirizi Kagodo yasiibula Can Mpagi okuva E Lugazi kubanga yali asabye okudda ewaabwe mu bulabirizi bw’e Namirembe. Na bwe kityo, Bp. Kagodo yatuma Omuwandiisi w’obulabirizi Rev. Can. John Ssebudde okukuuma n bw’e Lugazi.
Related
Let others know by sharing https://kyaggwetv.com/bp-banja-owe-namirembe-akoze-enkyukakyuka-canon-david-mpagi-abadde-e-mukono-amuwadde-wofiisi-ennene/?utm_source=rss&utm_medium=rss&utm_campaign=bp-banja-owe-namirembe-akoze-enkyukakyuka-canon-david-mpagi-abadde-e-mukono-amuwadde-wofiisi-ennene
